12 лютага ў тэатры пройдзе конкурс чытальнікаў “У гонар класіка Івана Мележа”, прысвечаны 104-гадавіне з дня нараджэння народнага пісьменніка

На конкурс запрашаюцца навучэнцы агульнай сярэдняй і вышэйшай адукацыі 14-17 гадоў і 18-22 гадоў адпаведна.

Пераможцы конкурсу, якіх вызначае журы, узнагароджваюцца дыпломамі і каштоўнымі сувенірамі ад партнёраў конкурсу.

ПАЛАЖЭННЕ

аб творчым  конкурсе чытальнікаў

 “У гонар класіка Івана Мележа”

1. АГУЛЬНЫЯ ПАЛАЖЭННІ
   1. Дадзенае Палажэнне вызначае мэты і задачы творчага конкурсу чытальнікаў ”У гонар класіка Івана Мележа“ (далей – Конкурс), які прысвечаны папулярызацыі творчасці Івана Мележа.
   1.  Заснавальнік Конкурсу: дзяржаўная ўстанова “Мазырскі драматычны тэатр імя І.Мележа”.
   1.  Партнёры Конкурсу: Мазырская раённая арганізацыя рэспубліканскага грамадскага аб’яднання “Белая Русь”, Гомельскае абласное аддзяленне рэспубліканскага грамадскага аб’яднання “Рускае грамадства”.
   1. Конкурс праводзіцца ў мэтах: прыцягнення ўвагі грамадскасці да творчай спадчыны класіка беларускай літаратуры І.П.Мележа, павышэння цікавасці моладзі да чытання; развіцця і захавання высокіх маральных каштоўнасцяў і ідэалаў беларускага грамадства; выхавання падрастаючага пакалення на лепшых узорах нацыянальнай літаратуры; пашырэння чытацкага кругагляду; пошуку і падтрымкі таленавітай моладзі.

• ПАРАДАК І ЎМОВЫ ПРАВЯДЗЕННЯ КОНКУРСУ
  • Конкурс праводзіцца сярод навучэнцаў устаноў вышэйшай, агульнай сярэдняй і дадатковай адукацыі дзяцей і моладзі ў двух  узроставых групах: 14-17 гадоў (школьны ўзрост), 18-21 гады (навучэнцы вышэйшых навучальных устаноў).
  • Пачатак Конкурсу: 12 лютага 2025 года ў 15.00.
  • Месца правядзення: дзяржаўная ўстанова ”Мазырскі драматычны тэатр імя І.Мележа“, малая зала.
  • Напачатку Конкурсу для ўдзельнікаў пройдзе майстар-класс па чытанню вершаў і прозы.
  • Удзельнікі выконваюць урывак з твора І.П.Мележа. Агульная працягласць выступлення – да 4 хвілін. Урывак з твора і манера выканання павінны адпавядаць узросту ўдзельніка. Пры чытанні ўрыўка на памяць можна выкарыстоўваць музычнае афармленне.
  • Асноўнае правіла, якое дзейнічае на Конкурсе – урыўкі са школьнай праграмы не прадугледжваюцца.
  • Конкурсныя выступленнi ацэньваюцца адпаведна з крытэрыямі  згодна Дадатку 1 да гэтага Палажэння.

• ПАТРАБАВАННІ ДА КОНКУРСНЫХ РАБОТ
  •  Для ўдзелу ў конкурсе на электронны адрас moz_theatr@mail.gomel.by да 5 лютага 2025 года неабходна прадставіць заяўку (Дадатак 2) з абавязковай паметкай у тэме пісьма “У гонар класіка Івана Мележа”. Ад установы адукацыі заяўка падаецца адна адразу на ўсіх удзельнікаў конкурсу.
  • Заяўкі, дасланыя пасля 5 лютага 2025 года, разгледжвацца не будуць.

• УЗНАГАРОДЖАННЕ ПЕРАМОЖЦАЎ КОНКУРСУ

4.1.Пераможцы конкурсу, якіх вызначае журы (Дадатак 3), узнагароджваюцца дыпломамі і каштоўнымі сувенірамі ад партнераў конкурсу. Вынікі конкурсу асвячаюцца ў сродках масавай інфармацыі.

        Спраўкі па тэл.: 244970, кіраўнік літаратурна-драматургічнай часткі ДУ “Мазырскі драматычны тэатр імя І.Мележа”  Таццяна Леанідаўна Андрыеўская

Дадатак 1

Крытэрыi ацэнкi

выступлення ўдзельнiкаў  творчага конкурсу чытальнікаў

 ”У гонар класіка Івана Мележа“

№ п/п	Крытэрыi	Балы
1.	Узровень выканальніцкага майстэрства і артыстычнасць	ад 0 да 10
2.	Выбар тэксту твора і лагічная завершанасць урыўка	ад 0 да 10
3.	Эмацыянальная выразнасць	ад 0 да 10
4.	Творчы патэнцыял	ад 0 да 10
Максiмальная колькасць балаў		40